विश्व फुटबलमा सर्वकालीन महान् खेलाडीको पहिचान बनाएका ब्राजिलियन लेजेन्ड पेलेको पूर्वक्लब सान्तोस एफसी ब्राजिलको शीर्ष डिभिजनमा उक्लिएको छ ।
ब्राजिलियन लेजेन्ड पेलेको उदय गराउने क्लबको रूपमा परिचित सान्तोसले ब्राजिल सिरी ‘बी’को खेलमा कोरिटिबाविरुद्ध २–० को जित निकालेसँगै शीर्ष डिभिजनमा स्थान पक्का गरेको हो ।
जब १११ वर्षे इतिहास बोकेको पेलेको टिम रेलिगेसनमा पर्यो…
आफ्नो करिअरको अधिकांश समय सान्तोसमा बिताउँदा पेलेले यस ब्राजिलियन क्लबलाई विश्व चर्चित बनाएका थिए ।
यसअघि, गत वर्ष शीर्ष डिभिजनको रेलिगेसन क्षेत्रमा परेपछि सान्तोस ब्राजिलको दोस्रो डिभिजनमा घटुवा भएको थियो । क्लबको स्थापनाकालदेखि नै सान्तोस पहिलोपटक रेलिगेसनमा परेको हो ।
