साफ महिला च्याम्पियनसिप २०२४ अन्तर्गत भुटानलाई पहिलो सेमिफाइनलमा फराकिलो अन्तरले पराजित गर्दै बंगलादेश फाइनलमा प्रवेश गरेको छ ।
दशरथ रंगशालामा आइतबार सम्पन्न सेमिफाइनलमा बंगलादेशले भुटान माथि ७-१ को फराकिलो जित निकाल्न सफल भएको हो । तोहुरा खातुनको ह्याट्रिकमा सविना खातुनले २ तथा ऋतु पोर्ना चक्मा र शिउली अजिमले १-१ गोल गर्दै बंगलादेशलाई सानदार जित दिलाएका हुन्।
उता ४१ औं मिनेटमा भुटानका लागि भने डेकी ल्हाजोमले मात्रै १ गोल फर्काइन् । छिरिङ ल्हादेनको क्रसमा डेकीले उक्त गोल गरेकी हुन्।
