अमेरिकी अखबार वासिङ्गटन पोस्टले कमला ह्यारिसलाई अमेरिकी राष्ट्रपतिका रूपमा समर्थन गर्न तयार पारेको इडिटोरियल (सम्पादकीय) यसका मालिक एवं अमेजोनका संस्थापक जेफ बेजोसले रोकेका छन् ।
मालिकको हस्तक्षेपपछि उक्त सम्पादकीयको ठाउँमा पोस्टका प्रकाशक विल लुइसको स्तम्भ प्रकाशित भएको वासिङ्गटन पोस्टले उल्लेख गरेको छ । उक्त लेखमा लुइसले पोस्टले सन् १९६० मा जोन एफ केन्नेडी र रिचर्ड निक्सन प्रतिस्पर्धामा हुँदा कसैलाई समर्थन नगरेको विषयमा पनि उल्लेख गरिएको छ ।
