आगामी माघ महिनाको पहिलो साता सातौं महिला तथा आठौं पुरुष राष्ट्रिय बीच भलिबल प्रतियोगिता आयोजना हुने भएको छ ।
खेलकुदको माध्यमबाट सिन्धुपाल्चोकको आन्तरिक तथा बाह्य पर्यटन प्रवर्द्धन, बीच भलिबलको प्रवर्द्धन र खेलाडीको व्यक्तिगत विकास समेत गर्नको लागि नेपालमै ख्याति प्राप्त पर्यटकीय नगरी सुकुटे करिडोरमा माघ १ गते देखि ५ गतेसम्म प्रतियोगिता संचालन गरिने सोमवार आयोजित पत्रकार सम्मेलनमा आयोजक जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी सङ्घले जानकारी दिएको हो।
प्रतियोगिताको संयोजन नेपाल भलिबल सङ्घले गर्ने बताइएको छ। सो समयमा सुकुटेको पर्यटन प्रवद्र्धनका लागि सुकुटे बीच साङ्गीतिक पनि आयोजना गरिने बताइएको छ। पत्रकार सम्मेलनमा नेपाल भलिबल संघ, जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघबीच एक समझदारी पत्रमा हस्ताक्षर भयो। सिन्धुपाल्चोक जिल्लाकै पहिचान झल्किने सुकुटे नगरीमा हुने बीच भलिबल प्रतियोगितालाई सफल बनाउन आयोजकले आह्वान समेत गरेको छ ।
